Pasa den uztailean, Amaia Arranz Otaegui tolosar historialari eta arkeobotanikak gidatutako ikerketak erakutsi zuen orain arte aurkitutako ogirik zaharrenak 14.400 urte dituela. Aurkikuntza horren arabera, Jordania ipar-ekialdean bizi ziren ehiztari-biltzaile taldeek gizateriaren lehen ogiak egin zituzten, nekazaritza bera asmatu baino 4.000 urte lehenago.
Arranz Kopenhageko Unibertsitatean ari da lanean, eta Londresko Unibertsitateko (UCL) eta Cambridge Unibertsitateko ikerlarien laguntzaz egin zuen aurkikuntza. Ikerketa lana, gainera, AEBko Proceedings of the National Academic Science (PNAS) aldizkari zientifiko ezagunak kaleratu du. Sare sozialetan zabaldutako mezuan, Arranz pozik agertu da bi urtetarako laguntza jasotzeagatik.
Ezin zoriontsuago! Marie-Sklodowska-Curie laguntza jaso dut! bi urtetarako !
— Amaia Arranz-Otaegui (@ArranzOtaeguiA) 12 de febrero de 2019
I could not be happier! got the Marie-Sklodowska-Curie grant! two years of exciting research in the horizon!
ready to make the Shubayqa bread!!!!!#MSCActions
Jordaniako "Shubayqa 1" aztarnategian ikaztutako 24 janari-hondar aurkitu eta aztertu ditu Arranzek. Ikerlanari esker ondorioztatu ahal izan dutenez, gure arbasoek garagarra, oloa eta espeltaren tankerakoak eho, bahetu eta oratu zituzten, gero ogia egin ahal izateko. Topatutako hondarrak Europan edota Turkian Neolito garaian atzemandako ogien oso antzekoak dira.