Gaurkoan, Tolosan azken astean izan diren albisteen inguruan mintzatuko gara, eta prentsaurrekoetan jasotakoa ere ekarriko dugu estudiora.
Bestetik, Tolosako Gorosabel eraikinean inauguratu berri duten Familia Elkargunearen berri ere emango dugu. Bertan, adingabeek gurasoekin harremanak sustatzeko aukera izango dute, bisiten bitartez.
Gainera, Xabier Ortiz tolosarrak argitaratu berri duen Euskal Herriko lehen nobela gastronomikoari buruz ere hitz egingo dugu, berari egindako elkarrizketa entzuteko aukera izango duzuelarik.
Azkenik, datozen egunetarako Tolosan antolatu diren ekitaldiak errepasatuko ditugu, astero moduan, agendari ematen diogun begiradan.