-
"2014an Argentinako Servini epaileak Muñecas kapitaina inputatu zuen. Baina gure ustez hemengo epaitegiek egin behar dute hemengo justizia".
-
"Frankismo garaian torturak jasandako herritarrek torturatuak izan ziren herrietan sartu behar dituzte salaketak. Tolosan sei biktimek egingo dute hori, gaur. Aurrerago, Donostian, Azpeitian, Bergaran eta beste hainbat lekutan salaketa gehiago sartuko ditugu".
-
"Ez da Argentinatik ona pasatzen. Han epai bideak aurrera jarraitzen du. Gaur biktimek egingo dutena da, euren abokatuarekin, hemengo epaitegian salaketa jarri. Hortik aurrera epailearen esku geratuko da zer egin. Orain arteko erantzun bera izatea espero dugu, hau da, preskribatuta daudela edo 'Amnistiaren legea' dagoela. Horrekin apurtzeko nahian gabiltza eta beste presiorik ezin dugu egin; hauxe da bide bakarra".
-
"Duela 10 egun, Valentzian, bertako epaile batek ontzat hartu zuen 71kako tortura batzuen inguruko salaketa. Lehen aldia da horrelako zerbait gertatzen dena. Hemengo epaitegiek frankismo garaian hemen gertatutako guztia ikertu behar dute, inpunitatearekin amaitzeko. Orain ikusiko dugu hemengo epaileen erantzuna".