Gatazka baten aurrean daudela dio Pello Agirrezabalek, eta ikastetxean "gatazken kudeaketa" lantzen dutenez ikasleekin, egoera ikasgai horietatik kudeatzea eskatzen du zuzendariak: "Gauza positiboak atera behar dira, jakinda gatazka gizakiaren ADN-an dagoela. Abiapuntu bat izan behar du honek, denen egoera hobetzeko abiapuntua".
Kristau Eskoletan bizi den gatazkak zuzendari lanetan harrapatu du Agirrezabal. Bere funtzioa honela azaltzen du: "Hezkuntza komunitate osoa oso ondo zaintzea tokatzen zaidala uste dut. Nik horrela ulertzen dut nire funtzioa une honetan. Eskubide desberdinak daude eta une honetan talka egiten dute. Parte guztiak zaintzen saiatu beharra daukat. Gatazka batean gerta daitekeen txarrena gatazka laborala arlo pertsonalera eramatea da, haustura bat sortuz. Nire lana ikastetxeko langileak zaintzea eta familiak zaintzea da. Horretan saiatzen ari naiz eta laguntza izugarria izaten ari naiz zuzendaritza taldetik eta lankideen artetik".
Entzun elkarrizketa guztia jarraian: