Lau ardatz dituzte langileen eskariek (ELA-STEILAS-CCOO-LAB-UGT):
- Batetik, soldatak: ohartarazi dute %10 galdu dutela erosahalmena.
- Bigarrenik, lan zama: eskolak prestatzeko eta ikasleen jarraipena egiteko orduak izatea.
- Hirugarrenik, haur-hezitzaileen eta hezkuntza laguntzako espezialisten egoera: haien lana irakaskuntza gisa hartzea, eta ordu osagarriak izatea.
- Eta, laugarrenik, enpleguari eustea: ikastetxeak ixten direnean —ikasle faltaren eraginez arriskuan daude zentro batzuk— langileak beste nonbait kokatzeko eredua egitea.
Eskari horiekin lotutako proposamen batzuk egin dizkie Kristau Eskolak langileei, ordu osagarriekin lotutakoak, adibidez, baina, sindikatuen esanetan, urrats txikiak dira.