Bihar, hilak 11, Aldabako kaxkotik gora doan bidea hobetzeko lanei ekingo die Udalak; hain zuzen, Aldaba Zahar eta Lopetegi inguruetara joateko erabiltzen den bidean egingo dira obrak.
Aldabako frontoiaren ondoko zatia hobetzeko bidearen zoladura fresatu egingo da. Bizilagunek eskatutako jarduera da, ibilgailuek, gehienbat pisutsuek, arazoak baitzituzten goiko baserri eta ustiapenetara joan ahal izateko.
Lanek bi egun iraungo dute, larunbatean amaituko direlarik. Udalak 2.716,45 euroko gastua gauzatuko du lan honetan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!