Laura Luelmoren erailketaren harira, etenik gabe gertatzen diren erailketak eta erasoak salatzeko asmoz, herritar ugari batu dira, eguerdian, Tolosaldeko Asanblada Feministak deitutako mobilizaziora. Zaratatsua izatea eskatu zuten, eta jendeak erantzun du.
San Frantzisko pasealekuko sukurtsalaren atarian hasi eta, jarraian, Gaztelako arkutik eta Maria Luisa Agirre doktorearen plazatik igaro dira, Plaza Berrian, txalo artean, amaitu aurretik.
Elkarrekin aurrera egiteko, eraso matxistarik ez! leloa baliatu nahi izan dute deialdirako eta, (in)justiziaren aurrean, saretze feminista mezua idatzita zeraman pankartaren atzetik egin dute ibilbidea. «Hemen gaude eta ez gara ezkutatzen», «gora borroka feminista» eta «kaleak eta gauak geureak dira» oihuak errepikatu dituzte mobilizazioan zehar.