Iraola, besteak beste, Leidor abesbatzako, Tolosako Orfeoiko eta Santa Maria Kaperako kide izan zen. Azken talde honetako orkestran ere ibili zen biolina jotzen, Arimaz Kamera Orkestra sortu aurretik. Horrez gain, Gipuzkoako Kamera Orkestrako kide ere izan zen, eta tarteka Iruñeko Santa Cecilia orkestrako eta Bilboko Orkestra Sinfonikoko laguntzaile izaten zen.
Hain zuzen, Arimaz orkestrako eta Tolosako abesbatzetako bere lagunek antolatu dute igandeko kontzertu berezia. Kepa Martinez de Albeniz izango da zuzendaritza lanetan, eta Ion Garmendia Anfurrutia gonbidatu dute txistulari lanetan aritzeko. Besteak beste, Gabonetako abestiak izango dira entzungai.