2019ko inauterietako prestaketa lanak abiatu dira dagoeneko. Aste honetan bi bilera deitu ditu Tolosako Udaleko Kultura, Jaiak eta Gazteria departamentuak, antolaketan lehen urratsak emateko helburuarekin.
Lehen bilerarako karrozak eta konpartsak deitu dituzte. Asteazkenean, hilaren 12an, izango da, 19:00etan Kultur Etxean. Ostegunean, berriz, txarangen bilkura egingo dute. 20:00etan izango da, leku berean.