Ferialekuko zorua ari dira berritzen, «jarduera gehiago egin ahal izateko»

Tolosaldeko Ataria 2018ko aza. 30a, 10:12

Tolosako Udala Ferialekuko lurra berritzen ari da, eta lanak gaur amaitzea espero dute. 32.720 euroko inbertsioa gauzatuko da bertan.

Iaz hormigoia bota zuten Ferialekuko lurraren zati batean, gimnasia erritmikokoek erabiltzen duten eremuan, hain zuzen. Orain, gainontzeko lursaila ari dira berritzen.

Udaletik nabarmendu dutenez, «oso egoera kaxkarrean eta pitzadura, zulo eta desnibel ugari zituen orain arteko lurrak». Hori dela eta, aurreko zorua kendu eta osotasunean hormigonatuko dute berriz.

Patxi Amantegiren esanetan, Ferialekuaren erabilera anitzeko izaera indartu nahi dute: «Voley-a, gimnasia erritmokoa, erraldoi eta buruhandiak... daude orain. Lur berriarekin, orain arte zoruaren egoeragatik bertan egin ezin ziren ekintzak egin ahal izango dira, irristaketa esaterako».

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!