Tolosako Ibañez Gozona gozo dendak 10 bitxiak sarietako bat jaso du, joan den asteburuan. Gipuzkoako Bazkundeak eta Eusko Jaurlaritzak elkarlanean antolatutako ekitaldian, herrialdeko eskualde bakoitzeko merkatariek komertzio bana aukeratu behar izan dute saria jasotzeko, eta gozo denda izan da, Tolosaldeko merkatariek hautatutakoa. Helburua Gipuzkoako merkataritza bitxiaren mapa sortzea da, eta «eskualdeko merkataritzaren balore, irudi eta prestigioa» zabaltzen dituelako jaso du saria.
Ekitaldi berean, Maite Estetikak ere errekonozimendua jaso du, Berriz enpresa proiektuko belaunaldi aldaketa modu arrakastatsuan garatu izanagatik.