«Orain arte jokatu dugun partidu hoberena izan zen. Hasieratik kontzentratuta sartu ginen partidan eta joko ona eginez aurretik jarri ginen. Baina gasteiztarrak beraien joko ona erakusten hasi ziren eta ez ginen gai izan tentsio hori mantentzeko».
Tolobolei Bidebidekoen hitzak dira, sailkapenean berdinduta zuten Aranbizkarraren aurka irabazteko aukera galdu ostean. Baina badu positibotik porrotak: «Konfiantza lantzeko partida zoragarria izan zen eta tanto bikainak ikusi ahal ziren. Aurrera goaz, egunetik egunera hobetuz».
Datorren larunbatean, Getxo izango du aurkari, Tolosako Uzturpe kiroldegian. 16:30ean hasiko da neurketa.