Edurne Pasaban mendigoizale tolosarra proiektu berri batean murgilduta dago. Ez du zortzimilako gailurrik igoko kasu honetan, baina, tamaina handiko tontor bat igotzea aurreikusten du ekimenak. Nepalen ari da burutzen proiektua eta bertako lau emakumerekin batera igoko du. Modu honetan, "bertako emakumeek bizi duten egoera salatu eta gizarteratu" nahi dute, eta horrekin batera, "euren kontzientzian eragitea" lortu nahi dute. Espedizioari ekin aurretik Ataria irratian izan da tolosarra proiektuaren nondik norakoak azaltzen.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!