Bere aldetik, antolatzaileak ere "oso gustura" geratu dira, "dena behar bezala burutu delako", eta eguraldia "primerakoa" eta giroa "paregabea" izan delako.
Parte hartzeari dagokionez, umeen kopuruaren aldetik gorakada handia izan dela azaldu dute antolatzaileek, 14 urtetik beherako 24 umek hartu dutelarik parte. Emakumeen parte hartzea sustatu nahi dute antolakuntzaren aldetik Bedaioko Mendi Martxan, eta aurtengoan martxa luzean parte hartzaileen %25a emakumezkoak izan dira eta motzean %54a.
Artubi elkartetik eskertu diete laguntzaile moduan aritu direnei: Aralar Base Camp, Ilorreta gaztandegia, Arantxa frutategia, Shanti Kirolak, Kafes Zabala, Itxasi, Bentaldea, Orbela taberna, Larrañeta gaztandegia, Tolosako Eroski eta Abaetxe jatetxeari. "Beraiei esker egin dezakegu Bedaioko Mendi Martxa", esan dute antolatzaileek.
