Iaz Berriozarren elkartu ziren, eta gaur Tolosak hartu ditu banda bisitariak. Zehazki, Uztaritzeko Les Labourdins eta Berriozarko Doinua Musika Banda aritu dira tolosarrekin.
Kalejirarekin ekin diote festari eta, ondoren, Alondegia plazak hartu du ospakizuna. Banda bakoitzak kontzertutxoa eskaini du, eta guztiek elkarrekin Eperra, Xalbadorren heriotzean eta Isil-isilik abestiak jo dituzte, Tolosa kantariko kideak atzean kantuan zirela.