Duela 12 urte hasi zen Artubi Elkartea Bedaioko Mendi Martxa antolatzen, izen bereko mendiaren magalean, Aralar inguruko mendi, zelai eta basoez gozatzeko helburuarekin. Bada, aldaketarako garaia dela ondorioztatu dute antolatzaileek.
Parte hartzaileen aniztasuna ikusirik, bi ibilbide prestatu dituzte azken urteotan bezala. Bata luzea, 24 kilometrokoa, Artubira igotzen dena. Ibilbide hori egitea hautatzen duten mendizaleak 07:30ean irtengo dira Bedaioko frontoitik. Bestea, ibilbide laburra izango da, bereziki familiei zuzenduta dagoena. 17 kilometroko luzera du, eta beste ibilbidearen antzekoa bada ere, kasu honetan ez dute Artubi igo beharko. Hauentzat 09:00etan izango da irteera.
Bi ibilbideetan zehar, anoa guneak jarriko dituzte, freskagarri eta jakiekin. Proba amaieran, gainera, pintxo eta freskagarriak izango dira frontoian. Zozketak ere egingo dituzte parte hartzaileentzat.
Izen ematea zabalik dago, www.bedaio.com webgunean edo mendimartxa@bedaio.com helbidera idatziz, irailaren 26ra arte, 10 euroren truke.