Tolosan, joan den astean iazko ikasleek lehentasuna izan zuten kultur etxeko eta Gazteria Saileko ikastaroetan apuntatzeko. Aste honetan, berriz, herritar guztientzako zabaldu dute zerrenda.
Iazko ikastaro guztiak mantendu dituzte kultur arloan: antzerkia, argazkigintza, balleta, balleta puntak, dantza garaikidea, ehoziri lana eta patchworka, pintura eta marrazketa, eskulanak eta zeramika. Gazteria Sailak antolatutakoak, berriz, gazteen iritzia bilduta osatu dute eskaintza: komikigintza, argazkigintza gauez eta joskintza.
Ikastaro guztiei buruzko informazio xehea www.tolosa.eus webgunean irakur daiteke, eta bertatik izen-ematea egiteko aukera ere bada, kulturako ikastaroen kasuan. Bestela, kultur etxean bertan, 10:00etatik 13:00etara eta 16:00etatik 19:00etara, kultura@tolosa.eus edo gazteria@tolosa.eus helbide elektronikoetan, nahiz 943 67 03 83 telefono zenbakian eman daiteke izena.