Goizean 07:00etan abiatu dira Zumarragatik txirrindu gainean, eta eskolaz eskola, ibilbidea osatu dute aurtengo kilometroen alde. Tolosaldera Andoaindik sartu da eta lehenik Villabonako ikastolak hartu du lekukoa. Jarraian, Irurarako bidea egin dute, eta arratsalde aldera iritsi dira lehenik Ibarrara, eta jarraian Tolosara. Uzturpe ikastolak hartu du lekukoa eta Laskorain ikastolaren parean pasa dio bigarren honi. Goierritik barrena, berriro ere Zumarraga-Urretxura iristeko asmotan abiatu dira.