Aimar Uson, Espainiako Txapeldun

Aimar Uson, Espainiako Txapeldun
Argazkia: Alpino Uzturre

Espainiako Eskalada Txapelketa jokatu da asteburuan Santiago de Compostelan (Galizia). Kadete mailan Aimar Uson izan da txapeldun.

Olinpiar proba modalitatean nagusitu zen Alpino Uzturreko 13 urteko gaztea, hau da, zailtasuna, abiadura eta bloke proben konbinaketaz osatzen den lehiaketan.

Orotara 235 puntu pilatu zituen eskualdeko eskalatzaileak: abiadurazko proban lehen postuan sailkatu zen, 100 puntu eskuratuz; bloke proban laugarren egin zuen, 55 punturekin; hirugarren eta azkenekoan, zailtasunezkoan, bigarren egin zuen, 80 puntu bilduta.

Aurrez, ekaina amaieran, Aimar Usonek hirugarren postua eskuratu zuen Espainiako Koparako baliagarria zen proban, Bartzelonan, 16 urtez azpikoen mailan. Kopako hurrengo proba puntuagarria azaroaren 3an izango da, Madrilen.

Auzia ez da izan ala ez izan. Kontua ekitea da. Atarikide egitea, euskararen aldeko hautua egitea, zure herrian gauzak antolatzea, horren berri ematea, etxetik plazara salto egitea. TOLOSALDEKO ATARIA egiten duzun hori da. Egiten duzun neurrian gara.


EGIN ATARIKIDE!