16-17 urte bitarteko emakumeen mailan lehiatuko da Alpino Uzturre taldeko tolosarra. Txapelketa hori prestatzeko uztailaren 18tik 21era Sierra Nevadan izango da Iturria, selekzioko gainerako kideekin batera.
Beste garaipen bat lortzetik dator Iturria. Joan den asteburuan, Hecho bailarako Boca del Infierno mendi lasterketa irabazi zuen tolosarrak, bigarren urtez jarraian, nagusien mailan. 1:52:42ko denboran egin zituen 15 kilometroak, bigarren sailkatu zen Ainhoa Jauregiri ia bost minutuko aldea sartuta.
Espainiako Kopan ere lidertzan da, azken jardunaldia soilik falta denean. Bideoan, helmugara sartu zen unea: