Laskorain Ikastolak Bigarren B Mailan jokatuko du hurrengo denboraldian. Hirugarren Maila lehen postuan amaitu ondoren, mailaz igotzeko txartela lortu zuten tolosarrek. Kantxan lortua bulegoetan gauzatu behar zen, ordea. Arazo nagusia tituludun entrenatzaile bat aurkitzea zen; Bigarren B Mailan jokatzeko ezinbesteko baldintza.
Goiko mailan izena emateko epea amaitu zen, baina Laskorainek federazioari astebeteko luzapena eskatu zion. Gaur amaitzen zen luzapena, eta gaur aurkitu dute entrenatzailea. Ondorioz, azken orduko arazorik ez baldin bada Laskorain Ikastolak Bigarren B Mailan jokatuko du hurrengo denboraldian, Ibarrako Laubururekin batera.