ataria.eus

Nire mihian

Erabiltzailearen aurpegia Iritzia   Pasahitza
Ez dakit ze txori pausatu
zaidan mihian. Nik deitu
gabe iritsi da, ezerezaren
bestaldetik, eta esango nuke
apenas dakiela aireraino
hegan egiten, azukrezkoak
dituela hegalak.
Hemen,
nire mihian, hitzak jaten
dizkit nik zuri emandakoak,
eta musuak eta banderak
eta heiagoraka kendu nizkizun
soinekoak. Zu ote txori honen
postontzia? Zu ote moko
honen urrea eta herdoila?
Ixo! Txoriak mihian txulo
egin dit hondoraino,
eta sabeliztun egin nau
zure izena oraindik ere
gehiago maitatzeko.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa