«Denboraldiaren balantzea oso positiboa da. Ez genuen horrelako maila emango genuenik espero. Talde gaztea geneukan, eta aurreko urtean maila mantentzea lortu genuen. Urrats bat gehiago eman nahi genuen aurten, baina ez genuen espero horrelakoa izatea. 18-19 jardunaldi galdu gabe egon ondoren lehen postua lortu genuen. Azkenean hirugarren bukatu dugu. Ez dakit oraindik jabetzen garen lortutakoaz.
Denboraldi berria lasai hartu behar dugula uste dut. Igoerak ez du helburua izan behar. Ahalik eta maila onena eman eta gero ikusiko da; obsesionatu gabe».