Tolosako Arimaz orkestrak emanaldi berezia eskainiko du ostiralean Leidor aretoan, 20:30etik aurrera. Hain juxtu Mozarten 'Bastian eta Bastiana' opera taularatuko dute. Tolosako Musika Eskolatik sortutako taldearentzat opera bat egiten duen estreinako aldia da. Kepa Martinez de Albeniz zuzendariak azaldu duenez, tamaina txikiko opera da eurena, zarzuela bat.
Gisa honetako emanaldi bat eskaintzen duten lehen aldia da, eta horrelako proiektu bat egiteak gastu handiak dituela ikusita, jendeak ekarpenak egiteko bidea zabaldu dute, crowdfunding bidez. 5 eurotik 100 eurora bitarteko ekarpenak egiteko aukera dago ondorengo plataforman:
www.verkami.com/projects/20161-bastien-und-bastienne.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!