Bisigu festarekin batera, sagardoarekin maridaje-afaria ere antolatu dute. Txinparta elkartean izango da, maiatzaren 31n. Egun horretarako txartelak 25 euroko salneurria du eta hauxe izango da menua:
- Urdetxe lontxeatuak: txorizoa eta urdaiazpikoa
- Nafarroako Alkatxofak
- Sagardoz Sorbetea
- Urdetxe xolomoburua
- Gazta dastatzea sagar dultzearekin
*Plater bakoitza sagardo edo deribatu batekin aterako da
Bestetik, Tolosako Zerkausian bisiguaren menua dastatzeko aukera izango da larunbat eguerdian, gauean eta igande eguerdian, 55 eurotan. Hauxe da prestatu duten menua:
- Antxoak Gatzetan
- Tomate entsalada hegaluzearekin.
- Zainzuria Nafarroa A.G.B.
- Bisigua Parrillan
- 'Bixigoxo' postrea
- Edariak: Heras Cordon (kriantza), Gaintza (txakolina), Insalus (ura), Irigoien-Herrera (sagardoa) eta Zabala (kafea).
Otordu guztietarako txartelak salgai daude dagoeneko, Tolosaldea Tour-en bulegoan. Tiketak telefonoz (943 697 413 zenbakian) edota korreo elektronikoz (tour@tolosaldea.eus helbidean) erreserbatu daitezke.
Festa girotze aldera, egun horietarako ekintza gehiago antolatu dituzte, baina horien berri aurrerago emango dutela jakinarazi dute antolatzaileek.