Final-laurdenetan hasiko da Lau t'erdiko San Juan Saria, maiatzaren 12an. Ondoren, larunbatero, Tolosako Beotibarren kanporaketak erortzen joango dira, ekainaren 24ko finala iritsi arte. Txapelaren lehiako hiru partidak igandean jokatuko dira, Beotibarren.
Pilotariak
Kadeteetan Solatxi/Larrazabal, Erkiaga/U. Alberdi, Altuna/De La Fuente eta Fernandez/Igoa izango dira final-laurdenetako partidak. Hurrenez hurren, maiatzaren 12an, 19an, 26an eta ekainaren 2an jokatuko dituzte partidak.
Jubeniletan, Osa/Murua, Ariztegi/J. Alberdi, Ruiz De Larramendi/J. Egiguren eta Gutierrez/Mata izango dira lehen faseko lau kanporaketak. Hauek ere kadeteen data bera izango dute, hurrenez hurren.
Elite mailan, azkenik, Alberdi/Elola, Salaberria/E. Labaka, I. Egiguren/Exposito eta Zubizarreta/P. Labaka izango dira ondorengo lau larunbatetan jokatuko diren partidak.
Finalerdiak ekainaren 9an eta 16an jokatuko dira, eta finala, 24ean.