Urte amaierako plenoetako batean iragarri zuen, Tolosako Udalak, Charleville-Mezières herriarekin senidetzeko lehen pausoak ematen ari direla. Hiri frantziarreko ordezkariek joan den abenduan bisitatu zuten Tolosa eta, egunotan, Tolosako hainbat ordezkari Charleville-Mezières-en daude, senidetzea lantzen.
Txotxongiloak batzen ditu bi hiriak, baina horrez gain, turismoaz, merkataritzaz, industriaz nahiz lehen sektoreaz ere ariko dira, bihar arte. Olatz Peon alkatearekin batera, Nuria Carbonell, Nerea Letamendia eta Inaki Irazabalbeitia zinegotziak, Unai Andueza Tolosaldea Garatzeneko enpresa arduraduna, Iker Karrera Tolomendiko zuzendaria eta Iñaki Pakea Tolosaldea Lanbide Heziketa Institutuko zuzendari ordea bertaratu dira Charleville-Mezières-era.