2016. urteko sanferminetan gertatutako talde-erasoaren epaia bi urtera plazaratu zuen, atzo, Nafarroako auzitegiak. Bost gizonezko horiek egindako delitua bortxaketa ez, abusua izan zela erdietsi du epaimahaiak, gizartearen zati handi bat asaldatuz.
Tolosaldeko mugimendu feministak ere altxatzera deitu zituen eskualdeko herritarrak. Atzo iluntzean elkarretaratze jendetsuak egin zituzten Anoetan, Amezketan, Bidania-Goiatzen, Amasa-Villabonan eta Tolosan; jendetsuak eta haserrez jositakoak.
Gaur, berriz, Tolosako epaitegiaren aurrean bildu dira, atzoko epaia gaitzetsiz. Epaimahaiaren erabakian "oso larritzat" jo dute kasua bortxaketatzat jo ez izana. Ez da abusua, bortxaketa da lelopean, 60 herritar inguru bildu dira eguerdian. Justizia ere matxista da! bezalako oihuak entzun dira.
