Etorkizunari begiratzeko moduak bildu dituzte Beotibarren

Itzea Urkizu Arsuaga 2018ko api. 21a, 14:44

Tolosaldeko Gure Esku Dagok Eman eskua etorkizunari mintegia antoaltu du, gaur, herritarrek zertarako erabaki nahi duten eztabaidatzeko; 110 pertsona elkartu dira, Beotibar pilotalekuan. 

Datorren ekainaren 10era begira daude Gure Esku Dago ekimeneko antolatzaileak eta, bide horretan, Tolosaldeko taldeak eztabaidarako gunea zabaldu du, gaur goizean, Beotibar pilotalekuan. Eskualde osoko 100 herritar elkartu dira, eta mahaitan sakabanatuta hausnartu dute lau gai nagusiren inguruan: kultura, ongizatea, hiritartasuna eta gure lurra. 

Lehenik, eztabaidarako dinamikak azaldu dizkiete eta, gero, ideia zaparradekin ekin diote hausnarketa kolektiboari. Herritarrak ahalduntzeko ariketa izan da, baina baita ekainaren 10eko Herritarron Ituna osatzeko ere: Gasteizko legebiltzarrean amaituko dute giza katea, eta eskaera zuzena egingo du Gure Esku Dagok, erabakitzeko eskubidea agenda politikoko lehentasunetan txerta dezaten. 

Giza kateari begira, izen-emateak lasai doazela azaldu du Beñat Sarasola ordezkariak, baina ez dutela zalantzarik, datorren gizakatearen arrakastaz. Tolosan, Agintari kalean zabaldu dute Gure Esko Dagoko denda eta, besteak beste, bertan egin daiteke ekainaren 10erako izen-ematea. Ostegun eta ostiraletan arratsaldez izango da zabalik, eta larunbatetan goizez. 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!