'Ahotsak eta itzalak' liburua argitaratu du Maixa Zugasti tolosarrak

Tolosaldeko Ataria 2018ko api. 19a, 18:29

Gaur aurkeztu du eleberria, Donostiako udal liburutegian; iaz XLII. Irun Hiria Saria irabazi zuen tolosarrak, L.A.A. obrarekin.

Erein argitaletxearekin osatu du literatur lana, eta Inaxio Mujika izan du editore, eleberria idazteko prozesuan. Tolosarrak, erbestea izango du hizpide lanean, haren "gordinkeriarekin, ankerkeriarekin eta heriotzarekin".

Era berean, ordea, maitasuna ere protagonista izango da Ahotsak eta itzalak liburuan: "Norbere iragana baldin bada geure izatearen barne-azala, kontakizunak lagun izan ditzakegu gure oroitzapenen bila, isiltasunaren gandua zeharkatzean".

Aurkezpenarekin bat eginda, Maixa Zugastiren liburuaren aurrerapen bat ere jarri du eskuragarri, Erein argitaletxeak.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!