Lan erdietan Vicentek minutu eta 44 segundo atera dizkio Ibarran bizi den errezildarrari. Lehen enborretan zabaldu du aldea, eta ondoren, itzuli osoan eusten joan da. 12 kanaerdiko eta zortzi 60 ontzako lana gogorra bazen, 'Arria V.a'-k eramandako egur gogorrek oraindik eta nekezagoa egin dute apustua. Esperantza hor zuten errezildarrek, Otsagabiako gaztea hustuko ote zen. Baina ez da horrelakorik gertatu, ezta izpirik ere. Iker Vicentek 2.000 ikusleren aurrean gehiago dela erakutsi du: hasi eta buka. Lanak bukatzeko 56 minutu eta 28 segundo behar izan ditu irabazleak. 'Arria V.a'-k 59.37ko denbora markatu du.
Erakusle eta laguntzaile bezala, Iker Vicentek, Daniel Vicente aita eta Eneko Saralegi lehengusua izan ditu ondoan. Luis Txapartegi eta Jose Ignazio Orbegozo 'Arria II.a', aldiz, Xabier Orbegozorekin aritu dira.
Iker Vicente
Xabier Orbegozo 'Arria V.a'
Daniel Vicente
Luis Txapartegi