Targazki Tolosako Argazkilari Elkarteak ikastaroa antolatu du, argazkilari gaztetxoentzat. Argazkilaritzaren nondik norakoetan trebatzeaz gain, tailerraren helburua izango da 2018ko Tolosa Herria argazki lehiaketako gaztetxoen saila hauspotzea.
Horrela, beraz, datorren apirilaren 21a aukeratu dute, ezagutzak izena ematen duten gazteekin partekatzeko. Sei orduz ariko dira, goiz eta arratsalde, eta zenbait baldintza bete beharko dituzte gaztetxoek, izena emateko. 12 eta 16 urte bitarteko tolosarrei begirako ikastaroa izango da, eta argazki kamera eramatea ezinbestekoa izango da. Doako ikastaroa eskainiko die Targazkik, eta izena emateko mezu elektroniko bat bidali beharko da targazki@gmail.com helbidera.
10:00etatik 13:00era bitarte argazkiak ateratzen ariko dira eta, 16:00etatik 19:00etara, argazkiak hautatuko dituzte, lehiaketetara nola bidali behar diren ezagutuz. Iñaki Otegi eta Cristina Almada izango dira irakasleak.
Gaztetxoentzako argazki ikastaroa, Tolosan
Tolosa Herria argazki lehiaketako gaztetxoen saila hauspotzea da, ikastaroen helburuetako bat
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!