Zerkausia, belaunaldien arteko elkargune

Tolosaldeko Ataria 2018ko mar. 19a, 10:26

Haurren Hiria egitasmoak 40 lagun inguru bildu zituen larunbateko laugarren saioan. Haurrez gain, gurasoak eta aiton-amonak izan ziren, eta margoketa lanak egiten pasa zuten arratsaldea.

Belaunaldien arteko transmisioa landu du Haurren Hiriak laugarren saioan. Hori dela eta, haur, nerabe eta heldu elkartu ziren, larunbatean, Zerkausian. Arantxa Orbegozok egindako etxetxo batzuk margotu zituzten, elkarlanean oinarrituz, sormen ekintzak ez baitu adin mugarik.

Hain zuzen, haurrek aiton-amonekin elkarrekin gauzak egin ditzaketela erakustea zen helburuetako bat, Margi Iturriza, Haurren Hiria egitasmoko arduradunaren arabera: "Belaunaldien arteko elkarrekintza sustatu nahi izan dugu, ikus dezaten elkarrekin gauzak egitea posible dela, ez dute-eta elkarrekin egoteko gunerik. Aiton-amonei bilobei azaldu diete nolakoa zen garai batean Tolosa, edo beraiek haurrak zirenean nola jolasten zuten", azaldu du Iturrizak.

 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!