Datorren asteazkenean, otsailaren 21ean, Tolosako Udalak bilera bana egingo du Gudari kaleko merkatari eta bizilagunekin, kalea berrurbanizatzeko proiektuaren harira.
Oriaburu eraikinean izango dira biak, eta merkatariak 15:00etarako deitu dituzte. Bizilagunek, berriz, 20:00etarako bertaratu beharko dute. Udalak azaldu du, dena den, merkatariren batek ezingo balu lehen hitzordura bertaratu, aukera izango lukeela bigarrenean parte hartzeko. Bileretan behin betiko proiektua aurkeztuko diete interesa dutenei, eta herritarren zalantzak argituko dituzte.