Mugikorrik gabe ez goaz inora. Eta inauterietan ere egun bakoitzeko momentuak edota mozorroak irudi bidez jaso gabe ezin izaten da geratu. Tartean, nola ez, selfiak ateratzen dituzu, ezta? Bada, beste urte batez, argazkirik onenak edota berezienak saritu nahi ditu TOLOSALDEKO ATARIA-k.
Argazkiak ataria.eus webgunean dagoen formularioaren bidez bidali beharko dira otsailaren 22a, osteguna, baino lehen. Lehiaketan parte hartzeko oinarriak eta bestelako informazio guztia bertan aurkituko duzu.
Gogoratu, Atarikidea baldin bazara izenaren ondoan zure harpide zenbakia idatzi beharko duzula.
Beraz, errepasatu ateratako argazkiak eta parte hartu.
SARI EDERRAK ESKURA
Epaimahaiaren saria bi pertsonentzako bi gaueko egonaldia izango da, gosariarekin, Nekatur Nekazalturismo Elkartearen eskutik. Erabiltzaileen saria eskuratzen duenak Matias Gorrotxategi jatetxean bi pertsonentzako otordu bat eskuratuko du, eta atarikideen saria, berriz, Lurlan Bistrot-en eskutik bi lagunentzako otordua izango da.
Gaur, lehiaketako argazkiak bidaltzeko azken eguna
Inauteri Selfie lehiaketa martxan da sari bikainekin; igo argazkiak webgunera hilaren 22a baino lehen.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!