Argazkiarekin batera adierazi beharko dira:
- Egilearen izen-abizenak.- Harremanetarako telefonoa eta e-mail-a.
- Argazkiaren azalpena: Non eta noiz aterata dagoen, argazkiko gaiak iradokitako esaldiren bat ere idatz daitezke.
Argazkiaren ezaugarriak:
- 300ppp-ko bereizmena.- 30x20 zentimetroko gutxieneko tamaina.
- Koloretan zein txuri-beltzean izan daitezke, beti ere tratatu gabeak.
- Tolosaldeko 2018ko inauterietako argazki selfiak izan beharko dira.
Argazkiak bidaltzeko epea: otsailaren 8tik otsailaren 22ra (biak barne)
Argazkiak ataria.eus webgunean lehiaketarako egindako formularioaren bidez bidaliko dira eta ataria.eus-eko argazki galeria batean egongo dira ikusgai.
Tolosaldean bizi diren edo eskualdearekin lotura dutenek bakarrik parte-hartu dezakete, bidaltzailea izan beharko da argazki horren jabea eta beste inon argitaratu gabeak izan beharko dira.
Bozketa:
- Ataria.eus bidezko bozketa otsailaren 23an hasiko da, argazki guztiak jasota daudenean; eta martxoaren 1a bitarte egongo da bozkatzeko aukera.
Bi sari nagusi eta beste bi zozketa egongo dira:
- Epaimahaiaren saria, Opari Bonu Orlegia, bi pertsonarentzako bi gaueko egonaldia: logela eta gosariarekin, edo apartamentuan NEKATUR Nekazalturismo Elkartearen eskutik.- ataria.eus-eko erabiltzaileen saria, bi pertsonarentzako otordu bat Matias Gorrotxategi Erretegian
- Horretaz gain, parte-hartzen duten Atarikideen artean, bi argazki onenek Lurlan Bistrot-ek emandako bi otordu irabazteko aukera ere izango dute.
Argazki irabazleak eta hauen egileak martxoaren 7an jakinaraziko ditugu Ataria astekarian, Ataria Irratian eta ataria.eus webgunean.
Argazkiak ATARIA-ko artxiboan gordeko dira eta antolatzaileak beretzat gordeko du jasotako lanak publikatzeko eskubidea. Lehiaketa honetako parte-hartzaileak, bidalitako lanen jabe den neurrian, lanak erabiltzen eta jendeaurrean erreproduzitzen uzten dio ATARIA-ri, euskarri inprimatuan edo interneten, betiere, egilearen izena adieraziz.