Lehertu da festa Tolosan, eta bost egunez ez du etenik izango; Berazubiko karrozako Kabi Alai kuttunek legioa eta Aste Santua ekarri dituzte, Plaza Zaharrera.
Txistu artean jaso dituzte, inauterizaleek, legionario, kapirote eta gainerako personaiak. Zalantzarik ez zen, Berazubiko karrozakoek ez zutela inor epel utziko, eta halaxe izan da. Beren mozorro ezagunenetako bat errepikatu dute, sari berezia jasotzeko.
Plaza hotza berotu dute tolosarrek, eta ez da aitzakiarik izango, gaur, saltoka aritzeko. Zoratzen da Tolosa, pozez. Gora inauteriak!
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?