Sagardoa, ura edateko zailtasunak dituztenen alde. Casino elkarteak jarduera humanitarioen bila hasitako bidean bigarren itzulia egin du gaur, eta Zerkausian sagardotegi efimeroa ezarri dute, 200 afaltiar baino gehiagorentzako.
Parrilletan, Iker Galarza eta Joxemari Barriola. Bestelako jakiak prestatzen, berriz, Xabier Martinez eta Sonia Tapia sukaldariak. Eta, kupelean, Julen Lopetegi Espainiako futbol selekzionatzaile asteasuarra. Ohorezko agurrarekin zabaldu dute, ofizialki, elkartasun afaria, eta giro ederra sortu da otordu aurreko uneetan.
Guztia, Etiopia-Utopia Gobernuz Kanpoko Erakundearen proiektuei bultzada ekonomikoa emateko.
