Luhusoko operazioa bitarte Ipar Euskal Herrian emandako pausoen inguruan eta hortik aurrera, apirilaren 8ko ETAren armagabetzea arteko ibilbidearen berri eman zuten. Era berean, abenduaren 9rako Parisen deitu duten manifestazioaz aritu ziren. "Armagabetzea ez da bakea bere horretan. Armagabetzea bake justu eta iraunkorreko etapa inportantea bada, presoen etxeratzea eta gatazka honek eragin dituen biktima guztien errekonozimendu, erreparazio eta egin beharreko egiak, eraiki beharreko elkarbizitzarako oinarrian kokatzen dugu", esan zuten Bordes kazetariak.
Parisera joatea "nekeza" dela onartuta ere, herritarrei hitzorduaren garrantziaz jabetzeko gonbita luzatu zieten. "Badakigu Paris urrun dagoela, dirua dela... badakigu, baina pentsa gatazka hau lehen pertsonan bizi duten askok daramaten zama. Gatazka honekin amaitu behar dugu eta abenduaren 9koa mugarria izango da bide horretan", esan zuen Colinak.
Abenduaren 9an Parisera joateko autobusak antolatu dira herriz herri, ohiko lekuetan.