'Errepresioaren aurrean, 21ak aske' lelopean egin dute elkarretaratzea, "Espainiako Estatuaren izaera terrorista eta jasandako errepresioa" salatzeko. Eskualdeko bi gaztek Madrilen deklaratu dute gaur, beste bederatzi gazterekin batera.
Martxoaren 11n Iruñean izandako manifestazioaren harira Espainiako Auzitegi Nazionalean deklaratzera deitu dituzte Tolosaldeko bi gazte; guztira 12 gaztek deklaratu dute. Kargupean utzi dituzte aske eta epaiketaren zain gelditu dira.
Auziperatuek salatu dute "kapitalismoaren aurka borrokatzen duen oro zigortzen" dutela, eta gazte guztiak aske uztea eskatu dute.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?