Aktualitateari lotuta ekingo diote, astelehenean, Jesus Torquemadaren IX. mintegiari

Itzea Urkizu Arsuaga 2017ko urr. 27a, 08:33
Urteroko moduan, Topic zentroan izango da mintegia.

Tolosaldean Ikastn zerbitzuak bederatzigarrenez antolatu du egitasmoa; lau saio izango dira aurten.

Urteroko arrakastaren olatutik jaitsi gabe, aurtengo izen-emateek ere harrera bikaina izan dutela azaldu du Mikel Muñagorri antolatzaileak. Horrela, datorren astelehenean hasi eta, azaroaren 20ra bitarte, nazioarteko gaurkotasunak tarte bat izango du, astelehenero, Topic zentroan.

Gairen bat aurreratzerik ba ote duten galdetuta, Muñagorrik gaurkotasunari jarri dio fokua: "Betiko moduan, aldian aldian suertatzen diren berriek eten dezakete aurrez diseinatutako egitarau bat. Horregatik, Jesus Torquemadak pil-pilean dauden gaietako zenbait hartuko ditu, eta horiek landu".

Entzuleen adina anitza da, baina, Muñagorrik azaldu du, erretirodunen parte hartzea altuagoa dela, gazteena baino. Horrela, ikastaro amaieretan egiten duten inkestetan oinarrituta,  parte hartzaileek hizlariaren azalpen argi eta ulerterrazak eskertzen dituzte gehien.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!