Perretxikoaren eta onddoaren paradisua, Trianguloan

Mikologika astearen barruan, azoka berezia izan da gaur Trianguloan. Perretxikoarekin edo onddoarkein osatutako hainbat pintxo dastatzeko aukera izan da azoka mikologikoan.

Tolosaldeko eta Goierriko zenbait sukaldarik hainbat pintxo prestatu dituzte, eta giro ezin hobea izan da Tolosako trianguloan. Euriak eutsi egin dio eta jende ugari hurbildu da. 

Era berean, haurrentzako sukaldaritza tailerra izan da Saioa Martinez sukaldari tolosarraren eskutik, eta ikastetxeetako haurrek osatutako perretxiko erakusketa ere ikusi ahal izan da.

Erakusleiho lehiaketako sariak, banatuta

Mikologikako erakusleiho lehiaketa ere antolatu dute eta gaur banatu dituzte sariak: epaimahaiaren saria Electrididades Elustondok irabazi du, eta publikoaren saria, berriz, Anddare dendak.

Casino elkarteak azoka horren hastapenetan eskainitako laguntza eskertu nahi izan dio Tolosako Ekinbide Etxeari, eta omenaldi txiki bat egin diote.

Txanpion Fest, bigarrenez

Casino elkarteak Txanpion Fest ospatu zuen atzo bigarrenez; Berdura plaza itxuraldatu, eta baso bilakatu zuen iluntze batez. 

Erlazionatuak

Berdura plaza, udazken koloretan

Tolosa

Casino elkarteak bigarrenez ospatu zuen, atzo, Txanpion Fest; Berdura plaza itxuraldatu, eta baso bilakatu zuen iluntze batez. 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!