Frutarekin eta txokolatearekin eginiko brotxeta egiten irakatsi die tailerrera gerturatutako gaztetxoei Edurne Tracho tolosarrak. Zeregin horretan telebista saioan berarekin parte hartu zuen Elena izan du lagun. Laranja eta platano zatiak tartekatuta osatu dute txikiek lehenbizi brotxeta. Behin horiek prest izanda txokolatean busti eta gozoz estali dituzte. Ondoren, bizkotxoa ere prestatu dute. Jende asko gerturatu da gazteak sukaldean nola moldatzen diren ikustera.
Haurrentzako sukaldaritza tailerra izan da eguerdian, Berazubi auzoko jaien barruan. Masterchef telebista saioan parte hartu zuen Edurne Tracho tolosarra irakasle lanetan aritu da.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!