Arantxa Iruretagoiena Zutani elkarteko kideak esan duenez, iazko arrakastak eman ditu aurten ere Pintxo Tour Solidarioa antolatzera. Hainbat herrialdetako jakiak dastatu ahal izan dira 3 euroren truke, baina helburua ez da dirua jasotzea bakarrik, baita "herrian dugun aniztasunera gerturatzea" ere.
Zutani elkartean egoera ekonomiko zaila dutenei laguntzen diete, jakiak edo behar dutena emanaz, eta gaurko ekitaldiarekin horretarako dirua biltzeaz gain, proiektura batuko diren pertsonak ere bilatu dituzte. "Inguruan dugun aniztasuna eta Zutani proiektua bera ezagutarazi nahi ditugu, jendeak gurekin bat egin dezan", esan du Iruretagoienak.
