Asteazkenero zortzi ibilbide eskuragarri izango dituzte, beste behin, hirugarren adineko tolosarrek. Gaur ekin diote Mugi Tolosa egitasmoko lehen hitzorduari eta, ekainaren bitarte, asteazkenero-asteazkenero aukera izango dute sedentarismoari bizkar emateko.
Ibilbide motzenak 543 metro ditu eta luzeenak, berri,z 7 kilometro. Tartean, 763 metroko eta 1,1kilometroko, 1,3 kilometroko, 2,1 kilometroko, 2,3 kilometroko eta 5,5 kilometrotakoak ere badira. Dena den, parte hartzaileek onartu dute ibilbidez ibilbide aldatzen dutela asteroko jarduera.
Aurreko urteetan bezala, antolatzaileek bi hitzordu ezarri dituzte parte hartu nahi dutenentzat: 10:30ean bata, ibilbide luzeagoa egin nahi dutenentzat, eta 11:00etan bestea, ibilbide laburragoa egin nahi dutenentzat. Horrela, herritarrek txartel bana izango dute, eta egindako ibilbide bakoitzeko zigilu bat jarriko diete antolatzaileek.
