Marisol Garmendia Mugikortasun eta Lurralde Antolakuntzako diputatuak agerraldia egin du, gaur, Tolosan, Mugikortasun astearen harira; garraio publikoaren aldeko deia egin du.
San Frantzisko pasealekuan hartu du hitza, Lurralde Bus autobus baten aurrean. Tolosaldeko Mugikortasun astea izan du aitzakia, autoak aparkatuta utzi eta herritarrak garraio publikoa erabiltzera bultzatzeko. Gipuzkoako sare publikoaren aukerak gogora ekarri ditu, eta Tolosaldean "ahalegin berezia" egiten ari direla azpimarratu.
Adierazpenak egin eta gero, kalean zebiltzan oinezkoei petunia haziak banatu dizkie, Mugikortasun astearekin bat eginez.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!