Urteroko zita izan ohi da eztarria sagardoz bustitzearena. Gazta, solomo eta arrautza pintxoak nahiz bost etxe ezberdinetako sagardoak dastatzeko aukera izan da, arratsaldean, Izaskun plazan. Horiek, Aburuza, Gurutzeta, Isastegi, Larrarte eta Zabala izan dira. Unai Gaztelumendi eta Oier Azpiroz bertsolariek alaitu dute dastaketa, hitz joko politekin. Goizeko entzierro txikiaren eta buruhandiekin hasi dute eguna haurrek, eta dastaketaren aurretik, dantza egiteko aukera izan da, auzotarrek elkarrekin bazkaldu ostean.
Iluntzean, berriz, zahagi ardoan afaltzeko aukera izango du bertaratzen den orok, jana etxetik eramanda. Eta egunarekin amaitzeko, gauean, kontzertuak izango dira Sputnik plazan. Atzo, Estarlus eta Zesuma taldeak arduratu baziren auzoan giroa jartzeaz, gaur gauean, Gorka Suaia, Little Martin eta lagunak eta Dancing Princessen txanda izango da.
