«Datorren denboraldirako, orain arte Txema Sernak zuzentzen zuen futbol arloko Kirol Zuzendaritza berrituko da. Hemendik aurrera, Igor Serrano izango da zuzendaritzaren arduraduna». Esker oneko hitzak izan dituzte kirol zuzendari ohiartzentzat taldetik: «Tolosa CF-k, Txema Sernari oraingo eta etorriko diren lorpenetan, emandako guztia, egindako lana eta ekarpena, bere profesionaltasuna eskertu nahi dizkio».
Argitara atera duten erabakiaren garrantziaren jakitun, taldeko arduradunak zaletuengana ere zuzendu dira, etorkizuneko erronkei aurre egiteko prest daudela azalduz: «Badakigu horrelako erabaki batek zalantzak sor ditzakela zuengan, eta horregatik adierazi nahi dizuegu, datorren denboraldia prestatzen ari garela eta ziur izan, gure egitasmoa aurrera eramateko hasierako ilusioz eta gogoz jarraitzen dugula lanean, bai zuzendaritzak, bai klubeko talde teknikoak».