Edurne Larrazak dio, "garrantzi handia" duela txikitatik umeak nola hezten ditugun, "ez ditzaten ideia okerrak hartu euren etorkizuna nolakoa izango den erabakitzerakoan".
Larrazaren arabera, kezkagarria da emakumeak sektorean duen presentzia gaur egun. Berak dioenez, "teknologia gure egunerokotasunean gero eta gehiago erabili eta gure etxeetan gehiago sartu badirudi neskak gero eta gutxiago erakartzen ditugula mundu honetan sartzera". Fakultatetik ateratzen den jendea izango da informatikaren garapena emango duena etorkizunean, eta bere ustez, garapen hori gizonezkoen eskuetan egotea ez da komeni. "Ez soilik gizonezkoen eskuetan egoteagatik, baizik eta emakume eta gizonen artean ikuspuntu desberdinak daude, eta garrantzitsua da mota guztietako ikuspuntuak egotea".
