Eguraldia lagun izan dute Tolosako San Blas auzora gerturatu direnek. 11:00etan, meza nagusia egin dute eta hainbatek beren produktuak bedeinkatzeko ere baliatu dute.
Ondoren, sabela betetzeko aukera izan da; txorizo pintxoak jarri dituzte salgai eta ohiturari men eginez, erroskillak ere erosi dituzte hainbatek. San Blas eztarriko minen zaindaria dela esaten da, eta izan da eztarriko minak kentzeko lokarriak erosi dituenik ere.
12:30ean, toka lehiaketa egin dute ermitaren ondoko zelaian, eta arratsaldean, erromeria egingo dute Elustondo anai-arrebekin. Goizean gerturatu ahal izan ez duenak, beraz, arratsaldean ere izango du festa giroa San Blas auzoan.
Larunbatean eta igandean ere hainbat ekimen antolatu dituzte. Asteburuko egitaraua:
Otsailaren 4a, larunbata
16:00. Haur jolasak eta txokolate jatea.
18:30etik 21:30era. Disko festa.
Otsailaren 5a, igandea
09:30. Diana Konponezinak txarangaren eskutik.
11:00. Meza, zendutako auzotar nahiz bazkideen alde.
12:00. Amarozko dantzariak.
12:30. Aizkolariak: Irazu eta Saralegi.
13:00. Bertsolariak: Peñagarikano eta Mendizabal.
18:00. Bertsolarien bigarren saioa, Peñagariano eta Mendizabalekin.
18:30etik 21:00etara. Trikitia Elustondo anai-arreben eskutik.
